H-E-J-N-O-M <=> 芒姐再現

2016年2月11日星期四

2-11(thurs) 我要食好西西西西西~~

好耐無出過文, 為咗坤哥, 我喺猴年出第一篇文…當然, 首先趁呢個機會向各位讀者 (如果仲有人會睇呢度) 拜個年, 祝大家猴年keep住日日食好西, 仲要愈食愈fit!

是咁的, 話說我無心插柳地去睇咗溫拿演唱會 (話實其實幾好睇, 又可能因為坐得前, 個氣氛又真係好唔同, 但亦因為下半場掛住想捕捉坤哥, 我個心已經飛咗去第二度)…居然俾我猴年行咗第一個大大大運…見到我好like的坤哥!

不瞞你, 其實我的興奮程度比起幾年前“我和林峯有個約會”有過之而無不及…事關上次係有朋友悉心安排咗, 所以我知我一定影到相, 不過都少不免有d緊張…但今次係失驚無神見到, 正所謂: 沒有他, 很想去捕捉他~~~尤其以我呢d一百個內斂同埋平時就算見到d好鍾意o既artist都未免有勇氣去捕捉他的人, 今次應該係癡 Q咗線…真係要講句: 原來我很愛坤哥, I say I love坤哥~~咁喇…所以‪素顏都唔理照9衝埋去合照再秒po上fb呃like! 坤哥應該無諗過去溫拿演唱會都有d咁瘋狂o既auntie去捕捉佢!

其實同場仲有我當年巨聲2好like的胡鴻鈞…但因為要去捕捉坤哥, 而經驗告訴我想一箭雙鵰通常兩隻都會無晒, 所以我唯有唔好咁貪心專心一致去捕捉坤哥!

當然, 我都真係要讚吓坤哥, 佢真人同電視鏡頭前一樣咁nice…話說d食蕉哥哥真係比盡責更盡責…我已經等溫拿唱完又未到encore位秒衝埋去 (因為大家都喺第一行, 所以其實好快就行到過去)搵坤哥合照…點知d食蕉哥哥比我更快秒衝來阻止我話叫我等完場先去 (其實我都心知佢耍我, 完場d星都走啦), 但其實我就算影埋都仲有幾分鐘溫拿都未出番嚟, 基本上都唔會點影響佢哋唱歌…而我亦唔會喺人哋唱緊歌時喺台下搵人影相咁無禮貌…不過我都照合作坐咗番埋位先! 到完場我又問d食蕉哥哥過得去未, 當然一如我所料佢哋係耍我唔俾我去啦…好彩坤哥咁啱行去我嗰邊離開, 仲邊行邊親手[手查]機同我影咗張selfie…今次真係中女也瘋狂, ‎夠我開心三天…我知我今年一定有運行囉囉囉囉囉!

呢一刻我要大聲高呼: 我要食好西西西~~同埋, 坤哥你咁識do, 必然有排紅, 芒姐睇好你!叻仔!

2015年5月26日星期二

5-26(tues) 大時代

好耐好耐無寫blog…雖然依舊有喺fb同大家熱切討論吓近期o既新舊電視劇!

近期無理由唔講o既當然係…重播掀起萬重浪o既”巨浪~捲起千堆雪~~”啦! 首播都好似無咁大迴響…反而重播變咗神劇…收視高企, fb洗版, 人人喺度尋回當年”大時代”的軌跡, 仲有23年前o既藝人全部翻hit番 (那怕佢哋已經變晒年近/過50 o既uncle/auntie…吸引力更勝從前!)…依家仲有好多商場show搵緊d主角出山重聚…我強烈建議tbb喺大結局當晚喺商場搞個宵夜拆蟹宴…開創集體睇重播劇大結局先河!

對上一次重播劇有咁o既反應應該係2005年重播“創世紀"…又係仲hit過首播…不過當年仲未興fb…網上討論無依家咁方便, 所以個熱潮同今次仲爭d…加上依家個個都不滿現狀, 個懷舊熱再勁d…睇吓下一水重播星爺o既“他來自江湖”仲keep唔keep到個勢!

睇“大時代”大家當然係睇丁蟹o既痴線, 劉松仁o既催淚”老帝…俾多次機會”…而我, 最鍾意睇 “孝婷戀”! 印象中我好似有寫過呢個topic…雖然日子耐咗自己呢十九幾年寫過咩其實好多我都唔記得…所以特登走去search番以前我曾經寫過d咩…原來2007年9月24日我曾經寫過一篇講邵仲衡的...

…我話: “以前都無發覺佢咁型, 係依家睇番佢d舊戲真係覺得佢幾靚仔又幾型 (可能係對比起依家d男藝人)! 當然, o係“大時代”個大佬角色就更加型, 雖然呢個官仔骨骨少爺角色都十分討好, 而邵仲衡本身個感覺亦都真係幾討好o下! 真係不禁要再問多次…點解佢會紅唔起 (我意思係佢應該更紅)?! 同埋, 我都好認同佢真係同十多年前o既麥包哥哥有d似樣…唔係有讀者講番起我都唔記得我當年都真係有咁覺得過…不過當然係邵仲衡靚仔d!”

….wahahaha…唔睇番都唔記得, 原來我堅係咁鍾意邵仲衡…唔怪得知佢今次出返嚟雖然肥咗幾個碼又同麥包撞樣, 我依然咁鍾意佢…情意結呢家嘢, 真係無得講! 同埋佢減番少少肥, 依然係高大威猛型爆的! 當然, 我再次強調, 大佬孝呢個亦正亦邪角色是吸引的! 而李麗珍做“大時代”嗰期, 又的確係佢最最最得嗰期…所以成件事係好賞心悅目! 之前youtube/土豆有人cut晒成part“孝婷戀”出嚟方便fans睇…但依家因為tbb重播所以無晒喇…sosad!

慳妹同方展博再加埋龍紀文嗰段情其實幾煩…我唔係太鍾意睇…不過呢幾集唱“紅河村”又的確係經典場口, 要再三回味! 仲有一集係方展博同慳妹一邊踩單車遊沙田河畔一邊唱“紅河村”…又的確是巧浪漫耶~!

人們說你就要離開村莊~~~

睇完呢兩日大時代...呢首歌停唔到咁喺我腦海狂loop...實在太經典了! 人們說你就要離開村莊~~~come and sit by my side if you love me~~~
Posted by H-E-J-N-O-M <=>

芒姐再現

on Friday, 22 May 2015

2015年2月18日星期三

2-18(wed) 四個女仔3個"BRA”

近年d法庭戲的確比以前寫實咗好多, 但相對亦悶咗好多…因為其實愈寫實o既嘢, 往往愈yim悶…嗰d咩唔記得攞埋師傅之後幾個月diary就上庭俾官fix咗一個師傅唔得閒o既date咁寫實但濕碎的事情, 同你由一個人起身擦牙洗面都拍埋出嚟有咩分別? 如果講劇情, 都係以前“壹號皇庭”嗰種dramatic的情節好睇d!

不過呢套都唔算差, d感情線其實寫得幾好…呢part仲寫實過d法庭戲…估唔到鄭子誠同唐詩詠做一對居然出奇地襯同好睇…咁多對我最鍾意睇佢哋! 另一條線阿黃子恆又係好鬼型…比起n年前拍“衝上雲霄1”直頭兩個人咁!

而主角嗰四個女仔又的確幾青春活力…同埋四個作為新人都做得好唔錯! 四個之中又以何雁詩做得最生鬼最出…佢個拍檔另一個超級巨聲阿林景程都進步咗! 何雁詩其實幾有演戲potential! 另一個我覺得幾驚喜o既係劉佩玥…做得幾自然! 仲有, 做佢情敵個李佳芯都好得…幾靚幾有格! 佢做10:30蘇民峰個風水節目其實靚過晒d細佢十年o既o靚妹!