7-23(fri) 書展毒男尖尖尖

嘩哈哈哈哈哈…估唔到過咗幾個禮拜, “尖尖尖”熱潮仲未減退…仲要繼續有新作添! 適逢書展又有力作…就係呢個“書展毒男crossover尖尖尖”…又真係笑爆嘴! 一睇到毒男一邊扮刷牙一邊播尖尖尖...真係好難忍到笑…:p



仲要連“尖～尖～尖～～～”曲譜都出埋…真係無奇不有! 最鍾意佢個"手指掃牙刷頭一下"...救命…


原來“情越雙白線”今晚大結局…我只係larp過一集半集! “施公2”d演員雖然ok, 但睇咗少少又真係吸引唔到我追落去…唔知點解! 下個禮拜上o個套“女人最痛”反而可以睇吓! 但同時亞視又推出鄧特希o個套搞到滿城風雨o既“法網群英” (btw, 呢個劇名未免太太太普通…好難記喎!)…不過佢未上畫已經是非一籮籮…都可以收到宣傳之效o既! 同埋係“壹號皇庭” + “妙手仁心” + 亞視套“俠骨仁心” (btw, 我當年好鍾意睇呢套, 睇完仲迷上o左周嘉玲好一陣子, 覺得佢好型!)班底…點都要睇吓o既…起碼有感情分嘛!

其實我覺得tbb應該乘勢o係凌晨12點檔播番一連五輯“壹號皇庭” (雖然前幾年好似有咁做過), 包佢仲收得過“天地豪情”同埋“創世紀”…因為“壹號皇庭”系列真係累積咗好大班支持者…我次次同d friend講開, 大家都一定係細個好鍾意睇“壹號皇庭”…同埋或者可以吸引一班當年未睇過o既90後小朋友, 乘機再吸納多一班新fans!

以前細個睇“壹號皇庭”…真係覺得做律師好鬼型o架! 我真係由第一輯第一集已經開始睇…事關眾所周知我91年睇完“浪族闊少爺”就迷上了sammi, 所以有佢o既劇我當然會捧場啦…o個時星期日晚10點一個禮拜做一集…真係好鬼望穿秋水…但咁樣單元式又反而型過後來變成每晚播o個d三/四十集(長)劇喎…配合個style多d嘛~!

壹號皇庭@wiki...最中point o個part係... “也捧紅了當時長期在無線二、三線徘徊的歐陽震華、陶大宇、林保怡、蘇永康等人，使他們日後成為無線的一線小生、一線歌手。”…“壹號皇庭”又真係巨星搖籃喎…

“《壹號皇庭》系列（英文：File of Justice），香港無綫電視翡翠台時裝劇集系列，律政奇情片，合共五輯，分別於1992年、1993年、1994年、1995年及1997年首播，監製鄧特希。此劇在當時開創了專業劇的先河，無線在此劇成功後陸續開拍了不同類型的專業劇，如妙手仁心、鑒證實錄、烈火雄心、法證先鋒等。除了劇種新鮮外，也捧紅了當時長期在無線二、三線徘徊的歐陽震華、陶大宇、林保怡、蘇永康等人，使他們日後成為無線的一線小生、一線歌手。此外鄭秀文、王菲、蘇永康都參與其中重要角色的演出，並演唱主題曲或插曲，也使此劇成為經典。”

仲有, 今晚開始勁歌改革…有大家一齊唱番起o既羅敏莊加入做主持…幾吸引喎! 仲好似話有勁歌元老級主持money姐做嘉賓添…必睇啦!