12-8(tues) 萬千星輝賀台慶2009之驚喜合唱Crossover

嘩…估唔到今年o既“萬千星輝頒獎典禮”除o左o係友儕間得到好大迴響, 問十個九個都有睇之外, 居然o係全香港o黎講都咁受歡迎…話係破o左咁多年台慶o既收視紀錄…居然平均可以有40點…都真係估佢唔到!

“原來，不僅當晚賽果令人滿意，就連收視成績也是歷年之冠，單是平均收視已高達 40點，有 254萬觀眾見證祥仔和雯女封帝后，而祥仔撼低 Laughing哥謝天華贏得我最喜愛的電視男角色一幕，更有最高 44點收視，有近 280萬觀眾捧場，另外，廣管局未接獲投訴，可見賽果令人滿意。

事實上，過往不論是台慶與頒獎禮合二為一的《萬千星輝賀台慶》，還是分拆舉行的《萬千星輝頒獎典禮》，平均收視只維持在 30幾點之間，就算 06年較佳成績，亦只有平均 36點及最高 40點收視。”

“另外，廣管局未接獲投訴，可見賽果令人滿意。”->呢句幾好笑o下…唔知點解~~~

嘩, 話咁快呢個星期六就係“歡樂滿東華”o既大日子…兩個大show未免太近…放番頒獎禮o係11月好似合適d!

本來話因為台慶當晚一班甘草跳舞o個part實在太受歡迎, 所以會o係東華encore…點知, 大閆生忽然離開o左我o地…無得encore喇…呢個咁精彩o既表演項目成為絕響, 我o地唯有一齊重溫o下佢o地當晚o係台慶o既精彩表演啦…各位觀眾…“驚喜合唱Crossover”之永遠懷念陳鴻烈…



click click o下又click到去一段好可愛的片段…有呢期睇完台慶歌舞表演好欣賞o既程可為auntie…佢真係好cutie! 而呢段佢35年前o既片段…依舊係咁cutie! 雖然佢當時o既年紀應該都算後生女, 但個樣都已經好auntie…要佢做學生妹都有d牽強, 不過身型又尚算fit o既…同埋紥起兩條辮更加cutie!

呢套知唔係我當年買o左佢o既vcd去英國煲o既“乘風破浪”囉! 真係幾精彩o下o架…好“iq成熟時”o個隻feel…不過當然“iq”又好睇d啦…但係呢套都唔差…因為我最鍾意睇呢d校園劇! 仲有“iq成熟時”o既miss wu楊詩蒂做其中一個學生妹添! 趙雅芝就35年前後個樣都無咩大分別, 佢同高妙思都幾靚女! Oh…仲有莊文清同吳浣儀添!



呢期“畢打自己人”已經做到社長o既警察無間道身份揭盅o左…又要咩商業罪案調查科, 又要查阿大閆生…明明初時以為係普通處境喜劇…點解要做到咁heavy呀?! 我反而覺得一貫o既輕輕鬆鬆咪仲好…邊個諗出o黎o架?!

仲有…呢個禮拜“富貴門”真係未免太激喇…駛唔駛搞成咁呀? 擺明係為o左引起話題多過真係劇情需要囉我個人認為…本來話撈家同靚靚兩個假兄妹相愛而不能愛o既矛盾反而幾好睇…講o下內心爭扎甚至不倫戀我都可以接受, 反而幾引人入勝添…但無啦啦搞到要強姦, 仲要睇雜誌d畫面又真係激得滯…未免太over!!! 羅嘉良本身只係一個老千o者, 無啦啦變到咁大奸大惡, 人o地一家對你咁好, 你就算貪錢都唔駛咁以德報怨呀? 我覺得一路d劇情都無咩好justify到佢呢個變成大奸大惡o既過程…有d夾硬囉! 反而以前d戲d奸角都描寫得立體好多, 同埋有舖排到佢點樣變成奸角…呢次唔得o左…太過為奸而奸喇! 令我好失望~!

仲有仲有, 前幾個禮拜亞視o係深夜兩點重播一套叫咩“賭神秘笈”o既劇集…又係有萬綺雯, 尹天照, 張家輝等人主演…不過當然最主o個個係江華! 套劇都ok呀…點解我當年又真係聽都未聽過…?!