9-1(tues) 我和殭屍+律政都有個約會…點算?!

Oh…由尋晚開始, tbb又重播我最鍾意o既"律政新人王", 另一邊同一時段atv又重播緊我同樣喜愛的"殭屍"...係咪玩o野呀...?! 我和殭屍+律政都有個約會o架嘛…咁點算好喎?!

阿ben同ling ling當然吸引...但況天佑同馬小玲亦都好吸引喎...仲要上個禮拜睇到最緊張o個集"緣盡1938"...哎...學金句王黎生話齋: "左手又係內, 手背又係肉”...你叫我點揀呢呢呢呢呢~~~?"

終於我兩邊都睇o左d…但去完1938之後返番o黎呢幾集唔多好睇…上個禮拜五o個兩集真係緊湊到呢…我直情連洗手間都無時間去…因為d廣告實在太短, miss o左一秒都唔得o架嘛! 我當晚居然做番11年前做o既o野...趕番屋企追"殭屍"...o個兩集真係超好睇...搞到我都好似同套劇一齊回到1998 (唔係1938) 咁…中番11年前中過o既殭屍毒!!!



呢個單元係每一個位都咁好睇…有小玲同天佑埋藏o左好耐終於“一發不可收拾”o既感情…同埋呢d時空交錯, 改變歷史, 同一個時間有兩個況天佑/山本一夫o既穿梭時空橋段…我由細到大都好鍾意睇! 仲有最後有少少係因為況天佑"感情用事"而改變唔到歷史o個一幕…真好無奈囉! 雖然, 即使況天佑當時無拉住馬小玲而走去打將臣, 都未必可以改變到歷史…但呢一段其實係想突顯佢"感情用事"o既特質, 同埋俾大家知道佢對馬小玲o既愛o者…! 不過山本一夫又係慘o既…連佢最錫o既未來都無埋…呢次o既經歷又真係可以justify少少佢之後做o既o野...劇本真係寫得幾好囉!

陳啟泰攬住六十年前o既陳啟泰o個一幕 (被帶銀公主形容為好似SOLAR…笑o左! 我十分同意!)…佢又係做得幾好…...個樣勁無奈!



呢兩集我覺得係全套劇最好睇…前所未有地緊湊…仲要無咩廣告…超正! 好彩係禮拜五晚做咋! 其實o個晚真係超級眼瞓…差d睇到一半hup著o左…但用意志力撐住…幾辛苦呀! 不過真係好正…好值得!

仲要因為一邊睇, 一邊可以,上fb+用sms同朋友討論劇情…令到成件事更加熱烈…好耐無試過追劇追到咁緊張…仲要愈夜討論得愈激烈…真係好似"回到1998"咁...一到break就上網睇newsgroup討論劇情...好耐無試過咁投入...仲要居然係因為一套重播 (過n次的) 劇…!

殭屍 @ 芒姐再現:

2006-7-21(fri) 我和殭屍有個約會


2006-7-22(sat) 我和殭屍有個約會2


2006-7-23(sun) 我和殭屍有個約會3

睇o左幾個禮拜“超級巨聲”, 終於係有個評判講o既評語叫做有d point…之前o個d都無咩content…尤其係謝安琪同古巨基基本上係完全無講到d咩有內容o既comments…而且一個歌手識唱歌又未必識評人o地o既唱功…今次陳潔靈就終於講到d o野!

佢話o個個雞仔聲駱胤明係“走音天使”呢個comment都真係幾準繩…bingo! 佢係幾有自己的唱歌風格, 但歌藝真係完全唔得, 去到呢個round已經完全賺o左!

個小妹妹趙展彤d網上評論話佢好寸…我唔知啦, 亦唔關我事! 但就咁睇佢舞台表演都算係咁o既…年紀細的確可以出到d位!

側田好buy o個個何雁詩又的確係幾可愛…同埋都唱得幾好! 但佢唱英文歌顯著地比唱中文歌好好多…咁如果有得自選, 佢都係唱番英文歌吧啦!

之前參加過新秀o既蔡俊輝同何晶晶, 我都認得佢o地…尤其係何晶晶, 佢未參加新秀前已經成日參加其他比賽…當年港台有個由梁奕倫個節目搞o既歌唱比賽 (我又真係唔記得o左個比賽叫咩名?!), 播o左好多個禮拜, 我當時幾乎集集都有聽…最終佢攞o左冠軍, 之後再見佢參加新秀又贏埋, 所以好記得佢!

仲有海俊傑個細佬海俊文, 當然係因為佢個名會留意到佢…佢都唱得唔差…但我又真係點都睇唔出佢係海俊傑細佬囉…:p