2008年10月12日星期日

10-12(sun) 裘俊

前幾日睇到一篇有關裘俊o既訪問…原來佢同林峰/楊怡/張美妮等係訓練班同學…真係完全睇唔出囉…我以為佢係早佢o地十年o個輩…


台 慶 頒 獎 禮 之 男 配 角 篇
角 逐 兩 獎 追 趕 同 學 林 峰 徐 榮 靠 癡 心 裘 俊 捱 出 頭


一 年 一 度 的 無 綫 台 慶 《 萬 千 星 輝 頒 獎 典 禮 2008 》 將 於 下 月 15 日 舉 行 , 徐 榮 憑 處 境 劇 《 同 事 三 分 親 》 的 裘 俊 一 角 , 去 年 已 獲 提 名 男 配 角 , 不 過 最 終 被 《 溏 心 風 暴 》 的 阮 兆 祥 擊 敗 , 今 年 徐 榮 再 憑 《 同 》 劇 獲 提 名 最 佳 男 配 角 和 飛 躍 進 步 男 藝 員 獎 , 面 對 《 溏 心 風 暴 之 家 好 月 圓 》 一 眾 強 勁 對 手 , 得 獎 與 否 仍 是 未 知 之 數 , 但 肯 定 的 是 , 徐 榮 已 憑 裘 俊 一 角 捱 出 頭 來 。

談 到 今 年 對 得 獎 是 否 有 信 心 , 徐 榮 不 諱 言 直 到 這 一 刻 依 然 心 情 平 靜 , 他 說 : 「 知 道 再 有 機 會 被 提 名 , 而 且 仲 多 o左 一 個 , 梗 係 覺 得 開 心 , 信 心 一 定 要 有 , 但 係 我 唔 知 有 幾 大 o既 攞 獎 機 會 , 我 諗 要 留 番 畀 觀 眾 決 定 , 入 得 圍 o既 都 係 好 戲 之 人 , 個 個 都 咁 強 勁 , 真 係 好 難 講 , 我 有 份 提 名 已 經 好 開 心 , 覺 得 係 公 司 對 我 o既 肯 定 同 認 同 。 」

徐 榮 於 1999 年 參 加 第 13 期 無 綫 電 視 藝 員 訓 練 班 入 行 , 同 期 同 班 還 有 當 紮 的 楊 怡 和 林 峰 , 若 不 是 因 演 癡 戀 上 司 江 欣 燕 的 裘 俊 一 角 跑 出 , 或 許 他 至 今 仍 是 路 人 甲 乙 丙 丁 , 主 角 背 後 的 佈 景 板 , 面 對 過 去 的 不 如 意 , 徐 榮 坦 言 曾 有 轉 行 的 念 頭 。

徐 榮 說 : 「 o個 陣 我 都 有 諗 過 轉 行 , 事 實 上 又 好 似 等 o左 好 耐 都 未 有 機 會 , 但 係 每 次 想 轉 行 o既 時 候 , 梗 係 有 人 搵 我 開 工 , 雖 然 戲 份 未 必 會 好 多 , 不 過 事 後 覺 得 好 似 又 有 o的 機 會 喎 , 所 以 每 次 做 完 之 後 又 會 諗 , 不 如 留 多 一 年 半 載 睇 定 再 算 啦 , 況 且 走 出 去 又 可 以 做 o的 乜 ? 學 歷 又 唔 高 , 加 上 習 慣 左 呢 行 o既 生 活 , 朝 九 晚 五 生 活 唔 我 , 得 呢 行 發 展o既 人 大 家 都 係 鬥 耐 性 、 鬥 韌 力 。 」

眼 見 同 期 同 學 如 林 峰 等 人 機 會 接 踵 而 來 , 比 較 似 是 無 可 避 免 的 事 , 徐 榮 也 坦 言 雖 為 他 們 跑 出 而 開 心 , 但 心 裡 始 終 有 「 la 住la 住 」 的 感 覺 , 他 說 : 「 心 入 便 有 多 少 唔 舒 服 一 定 有 , 我 當 時 都 會 諗 有 邊 度 不 足 做 得 唔 好 , 但 係 有 比 較 係 好 事 , 有 競 爭 都 係 好 事 , 所 以 家 有 機 會 就 努 力 追 。 」

感 激 妻 子 作 後 盾

若 說 《 同 事 三 分 親 》 是 徐 榮 事 業 上 的 轉 捩 點 , 《 火 舞 黃 沙 》 中 的 閻 國 基 一 角 , 某 程 度 上 也 可 算 是 他 初 露 頭 角 之 作 , 徐 榮 直 言 感 激 該 劇 監 製 戚 其 義 提 攜 , 他 說 : 「 阿 戚 對 我 o係 演 戲 上 o既 影 響 好 深 遠 , 佢 話 畀 我 知 做 事 要 有 心 力 , 要 俾 人 感 覺 你 好 想 去 做 o個 樣 o野, 人 o地 就 會 幫 你 , 我 o地 仲 會 成 日 研 究 劇 本 , 我 o係 佢 身 上 真 係 學 到 好 多 o野。 」

徐 榮 又 表 示 另 一 個 要 感 謝 的 人 是 其 太 太 , 在 她 的 支 持 下 , 徐 榮 可 無 後 顧 之 憂 地 發 展 事 業 , 難 怪 他 自 言 目 前 真 的 很 幸 福 , 他 說 : 「 好 多 o係 後 面 做 緊 戲 o既 人 都 好 勤 力 , 佢 o地 都 有 才 華 同 演 技 , 我 諗 個 個 都 想 企 o係 前 面 , 但 我 真 係 好 彩 , 先 後 遇 到 戚 其 義 、 羅 鎮 岳 監 製 同 珍 姐 ( 曾 勵 珍 ) , 所 以 我 會 更 加 珍 惜 機 會 。 」

人 物 誌 : 入 行 9 年 多 演 閒 角

現 年 34 歲 的 徐 榮 , 與 林 峰 及 楊 怡 一 同 畢 業 於 1999 年 第 13 期 無 綫 電 視 藝 員 訓 練 班 , 其 後 加 入 無 綫 成 為 合 約 藝 員 。 多 年 來 雖 然 演 過 不 少 劇 集 , 但 他 多 是 飾 演 一 些 行 行 企 企 的 角 色 , 直 至 06 年 憑 劇 集 《 火 舞 黃 沙 》 中 飾 演 閻 國 基 ( 國 基 叔 ) 一 角 , 才 嶄 露 頭 角 , 同 年 8 月 播 放 的 電 視 劇 《 刑 事 情 報 科 》 中 , 他 飾 演 情 報 科 歐 Sir 更 備 受 注 目 , 翌 年 參 演 處 境 劇 《 同 事 三 分 親 》 , 飾 演 江 欣 燕 的 癡 心 跟 班 裘 俊 , 令 他 人 氣 急 升 。




睇番幅相, 原來仲有“愈要緊…愈會拉得狠狠…愈覺拉得緊…愈會拉近”o既李中希, 仲有o個時話係翻版謝霆鋒o既揚明, 同埋落選港姐傅楚卉&姚啟善…oh, 原來仲有“同事三分親”o既marco添…真係唔講唔知!

其實裘俊o係“同事三分親”做得幾好…繼續努力呀! 同埋成班“同事”o既同事都做得唔錯, 加上睇o左年半都好有親切感, 所以都有d期待“畢打自己人”! 希望唔好太跌watt啦!

另, 方東昇又一佳作…”神七零距離”...大講"家好月圓"金句, 最後仲要播埋"分分鐘需要你"...好抵死!