8-27(wed) 變色龍vs新變色龍

Oh, 聽晚開始atv真係會播“新變色龍”…好開心呀…呢d先係從善如流嘛, tvb要學o下o野! 不過又係好似“變色龍”咁一晚播兩集, 一播就播到3點幾…又要捱眼瞓喇! 但都係值得o既…因為上個月睇完“變色龍” 之後, 好期待可以睇埋續集 (雖然我都明白續集一定差好遠的定律, 但既然睇開, 都有個情意結希望可以睇埋!)…同埋“變色龍”一路以o黎成日重播, 反而“新變色龍”好似真係無咩點播過囉…所以更加想睇! 睇o下阿妹同鄺志立會唔會有機會o係番埋一齊…上次睇“電視風雲五十年”潘志文話佢o係呢套戲好似有一段時間係要昏迷, 因為俾人搶o左去拍亞視版“楚留香”(我有無記錯?)…總之都好想睇番啦…唔知呢套又有幾多集呢?

前幾個禮拜睇報紙居然見到訪問潘志文, 仲搵番佢去當年尖東的外景場地影番個三十年前後對比…好得呀! 我見我早前睇過o既潘志文同劉志榮o係尖東打交, 當時仲起緊o既新世界中心, 同埋另一邊個倒三角型疑似紅館物體全部都o係篇訪問度照dup, 不過無咩所謂呀, 佢有follow up仲搵埋主角去現場, 我好滿意呀!

詳情請看: 男 人 斟 ： 潘 志 文 笑 談 娛 圈 血 淚 史

其實上次已經講過, “變色龍”隻主題曲真係愈聽愈kum聽, d歌詞真係好得! 勁…呢期唱k又多一隻熱播之選!


(變色龍core場景)


(原來真係紅館)


(有幾十年歷史, 不過當年仲係興建緊o既新世界中心)


(三十年後o既新世界中心)

佢識得搵阿潘翁去影番呢d今昔對比相果然醒…上次“iq成熟時”又識襯佢重播時搵番d主角去訪問, o黎一個廿幾年前後o既對比…做得好呀!

嘩, 又收到d好抵死o既fwd email…笑爆嘴! 又係o個隻聾貓呀…最鍾意睇佢d o野, 超賤! 應該好多朋友都睇過, 如果未睇過, 就一定要睇o下喇!

尤其係3) 影相三七面最有共鳴…你身邊總有一兩個朋友係咁, 唔係三七面, 就係個頭刻意dup低然後對眼向上sau的美女狀…通常呢d出o黎o既效果最恐怖, 同埋本來無人留意你, 但因為你每次都擺同一個pose, 所以本來睇你唔到都即刻搶晒鏡喇…呢d就係名副其實o既“醜人多八怪”! 好讚同佢講o個句: “你吸引人唔係因為你o既美麗, 而係因為你o既自覺不美麗!”

同埋“v”字手勢我係從來都好唔接受…八十年代做呢d手勢都好out啦, 何況係依家? 你係12歲以下都勉強可以接受, 但一幅半幅算喇…咁大個人好似白痴咁v真係好惡頂, 仲要有d人幅幅都係喎…o個d咩“1,2,5”手勢更加唔洗講啦…台灣d kawaii少女依家都唔會做啦o下嘩?!