7-28(sat) 我的童年回憶-1991年的sammi

前幾日無意中o係youtube睇到呢段“那天，鄭秀文在黃埔溜冰，竟然．．．” …嘩! 好驚喜呀…我想睇番十幾年, 居然無意中俾我搵到! 係91年鄭秀文參加一個節目一邊溜冰一邊唱歌, 仲跌親添…佢唱緊當時plug緊+我覺得都真係幾好聽o既“friends”, 仲有o個身打扮都好係“浪族闊少爺”年代, 因為仲有d baby fat, 所以佢著衫成日都遮遮掩掩咁, 不過呢件褸+單車褲look又係趣緻o左d! 我記得呢個節目播o既時候我去o左旅行, 後尾o係香港電視睇到有呢個show的報導, 好想睇番呀…但係呢d show從來都唔會重播, 我真係估唔到會有機會睇番呢個節目! snpro兄真係好勁呀…你d珍藏真係十萬個得呀!!!!! 激讚…!



其實最鍾意都係91年o既長曲髮sammi, 直至佢o係“never too late”隻大碟剪o左個怪短曲髮之前, 都係最靚o既…



(芒姐的香港電視collection)



另外, 亦有朋友send左一段sammi經典廣告片段俾我睇…相信同我年紀差唔多o既朋友, 都應該有睇過:

sammi@珍寶冷氣廣告 (應該係1991年, 而唔係1994年)



又搵到一個91年sammi同克勤o係愛丁堡之夜合作o既片段…其實我都有錄到, 都幾搞笑o下!


(Sammi+克勤@愛丁堡之夜)

同樣係愛丁堡之夜…“信自己”英文版…你聽過未?