H-E-J-N-O-M <=> 芒姐再現: 2007年4月12日

2007年4月12日星期四

4-12(thurs) 東地

呢期最精彩o既娛樂版封面, 我個人認為係東方新地o既“陳鍵鋒vs官恩娜vs吳唱k”…並唔係話陳鍵鋒同官音娜爭吳唱k呢段新聞精彩 (雖然都ok好笑o下), 而係封面個構圖呀…真係笑爆嘴! 依家d記者+封面設計人員o既創作天份又真係唔錯喎! 佢整幾個心心分別由陳鍵鋒同官音娜link去吳唱k度, 更抵死o既係o係吳同官隔離分別有男/女o既symbol…而陳鍵鋒o個個居然係問號…真係超抵死!!! 咁創意無限, 真係即使單新聞幾咁唔吸引, 都會俾個封面吸引o左!

其實依家d娛樂新聞, 有幾多成係真呀, 最緊要就係寫得好, 夠entertaining…話明娛樂新聞, 最緊要緊係娛樂性啦…呢單好笑, 我buy!

陳鍵鋒又係o既, 今次我都唔幫佢…雖則話官恩娜個人不嬲都唔討好, 但你男人之家真係唔好咁多事啦…講咁多o野做咩? 仲要講人o地o既under (雖然佢後尾話係講條裙, 但係前文後理好似唔係好通), 搞到自己成個鹹濕仔咁…仲要無啦啦“naat”起火頭, 難怪今次俾人話佢潑婦…真係錯晒!

另一單上個禮拜本本都用o黎做封面o既“狐妮”…真係就算不嬲唔buy佢都戥佢有d慘, 女仔人家俾人寫到咁…不過亦不得不讚d記者玩食字真係好應…咩“狐妮成精之路”…真係一絕!

哎…原來“我的野蠻奶奶”又話拍續集, 本來又係話搵馬國明代黃宗澤…都話馬明係ok, 但係唔好成日搵佢代人做續集, 咁樣會令到套劇原本d fans好唔buy囉…點知俾阿姐一聲令下, mk wong居然可以歸位, 話要等齊原班人馬先拍! Oh! 點解阿姐無份做“律政新人王”? 點解“律政”無咁o既待遇? 不過算喇, “律2”見唔到阿ben同ling ling都好, 反正拍續集一定無咩好下場…睇o下依家陳鍵鋒同官恩娜even戲外都搞成咁就知啦…哈哈!

至於套“溏心風暴”, 我依然只係睇o左少少, 第一集都未睇完…不過又真係見到陳豪好淨誇, 完全唔知佢想點? 成家都怪怪雞雞咁…當然刻意咁改暱稱亦都係多此一舉, 好肉酸! 不過有咁多個artists, 總有一個o岩你, 所以都應讓有捧場客o既! 佢一唱完主題曲個片頭d人坐+企晒o係度, 唔知點解令我諗起“天地男兒”o個個開場晒冷銀行景囉?!

Oh, 仲有呀, “同事三分親”o個個慳妹, 初頭睇佢好似怪怪地咁, 但係依家睇睇o下又幾靚, 幾清純, 仲幾有氣質…ok喎, 應讓大有作為! o係網上睇番佢d資料, 呢位妹妹叫梁政玨, 原來老豆仲係大狀 (不過唔係梁家傑), 話因為佢同方逸華好熟, 所以好輕易就有得做主角! 咁我覺得佢作為新人, 都演得幾ok o既…同埋佢個造型+角色性格都討好過“手機女”陳自瑤小姐好多! Tvb係咪特登搵佢o係“拆散”yoyo同埋“手機男”蔡淇俊呢? 同埋係咪特登整呢個鬼仔陸哲角色俾蔡生“洗底”呢?!

尋晚勁歌見到關淑怡上去唱“同事三分親”主題曲…好似平時完o左套劇聽好過現場好多咁…同埋點解佢依家黐[月利]筋得咁勁? 以前都好似有少少, 但係依家真係好嚴重囉! 聽聽o下呢首歌都有d十幾年前佢主唱o既"回到未嫁時"主題曲 "愛恨纏綿"…btw, "回到未嫁時"dvd應該就快出, 各位黎明/海味fan屎等o左17年終於可以重溫喇!

oh, 又搵到一個好經典o既mtv…就係我o地好好好鍾意o既face to face“情迷milano”…每次去k都會唱o下, 亦係我第一次買卡拉ok碟番屋企唱o既歌…hoho! 可惜周圍都無佢o地隻“face to face…相隔空氣…”啦…