7-10(mon) 1991華東水災

前幾篇講過“忘我大?演”, 當然要順道講埋無線自製o個個“華東水災籌款之夜”…又係好鍾意睇…最鍾意呢d一直做到深夜三, 四點o既show…感覺好落力囉! 同埋好喜愛隻主題曲“滔滔千里心”…好感動, 好好聽!

仲有另一樣好深刻o既就係亞視o個期又搞o左個華東水災籌款show, 仲有無線合約歌手例如張學友上o左呢個節目, 俾無線秋後算帳!

講番無線個show, 最喜歡o個part就係臨到尾聲深夜三點幾, 到d新人終於有機會獻唱o既時候…因為o個期正值我最喜愛的“浪族闊少爺”播得最如火如荼時期, 超喜歡o個期o既sammi…有d baby fat, 好可愛, 好過後來o既瘦骨嶙峋 (純粹個人意見, 大家絕對可以唔認同!)…所以一有親佢o既節目, 都會唔會錯過! 而當時作為新人o既佢, 就被安排o係深夜同一眾新秀師兄妹一齊唱勵志歌“明天會更好”… 咁多個歌手之中, sammi果然係表演得最好, 天生食呢行飯! 同場仲有佢o既另一半…呢期“火羅”爆o既老鼠安! 安仔o個期都憑佢隻“翻騰”上o左d位, 但都只可以得到六分一隻歌o既表演時間!

獻唱前訪問片段:



除o左安仔同sammi, 仲有譚耀文+專責主持深宵點唱節目o既歐陽德勛+消失o左o既新秀冠軍湯美君, 同埋…當時剛剛選出o黎o既91年新秀冠軍李家強!!! 所以呢段片要特別獻俾獎門人…因為有你偶像…刑偵2”戀上謝峰o既男助手阿修…哈哈哈哈哈!!!!! 仲有送埋俾一眾安仔sammi fans…安仔+sammi早期難得o既合唱片段…真係“往事只能回味”!