2006年5月29日星期一

5-29 (mon) 亞視萬眾同歡賀台慶

o岩o岩過o左o既禮拜六, 原來做o左亞視台慶show, 好彩之前一日“嬌俏教主”容妹妹提一提我, 否則我可能miss o左呢個一年一度o既大show!

我對亞視台慶o既情意結, 相信各位讀者睇過之前兩年o既芒姐日記, 都會略知一二…如果無睇過, 請自行重溫“芒姐529亞視台慶回顧”:

2005年: 529真情洋溢台慶夜

2004年: 529亞視台慶

喜歡睇亞視台慶o既最大原因, 係因為佢夠眾志成城, 同埋夠騎呢 (情況同我每年年尾最期待o既“歡樂滿東華卡拉之星”環節一樣…不過今年呢個“49周年台慶”就真係幾令我失望, 無啦啦又無頒獎, 又無表演, 反而變o左齋玩遊戲…仲要係好似社區中心玩遊戲咁…d問題仲要淺到唔可以再淺…有d悶囉! 最錯o既係居然無唱佢o地隻經典台歌 – “用心留位你”….點可以o架?! 呢個係每年台慶o既highlight, 特別可以突顯亞視藝員o既眾志成城! 搞到今次台慶無晒前兩年o個種 “好熱鬧, 好齊心, 好熱烈”o既感覺!

跟住年年都有一part係重溫經典劇集…注意: 真係年年囉! 每年都係repeat番o個d劇…你知啦,亞視有幾多套經典劇呀? 有一part又係話向多年來曾經負出過努力o既亞視藝員致敬…都幾溫馨o既…但係連江美儀都有份, 未免係無咩代表性囉!!!

哎! 仲要o係呢個節目都要見到個劉綽琪…去到隔離台, 佢o既表現依然令人好憎佢…點解要簽d咁o既人呀?

佢o地話仲會搞個“重拍亞視經典劇集”行動…真係啞晒! 亞視真係好鍾意食住條水再係咁食食食…如果真係要重拍, 唔該重拍麗的年代o個d, 因為確係經典好多!

呢期原來仲推出o左隻麗的亞視半世紀的精彩 (電視劇原聲大碟)…收錄o左好多超經典麗的亞視主題曲…幾吸引喎!

“亞洲電視、華納唱片經典呈獻06珍藏大碟
50周年麗的亞視半世紀的精彩 (電視劇原聲大碟) 3CD+DVD

亞洲電視、華納唱片,攜手打造亞視50周年珍藏的經典,
50周年麗的亞視半世紀的精彩(電視劇原聲大碟),
收錄50首家傳戶曉,膾炙人口電現主題金曲。包括: 大丈夫,鱷魚淚、天蠶變、
天龍訣、人在江湖、大內群英、浮生六劫、驟雨中的陽光武俠帝女花、甜甜廿四味、
太極張三豐、大俠霍元甲、少女慈禧、武則天、精武門、秦始皇、強人、我來自潮州、我和殭屍有個約會I…”

前幾日行過hmv, 見到隻“飛圖二十周年精選”碟…真係唔知原來飛圖咁就廿年! 一睇d曲目, 確係幾精選喎…即刻走去聽o左好多首, 憶起飛圖o既光輝時代! 佢真係收錄晒飛圖年代最hit o既歌, 尤其係o個期 (即九十年代初) 最興o既合唱歌… “相逢何必曾相識”呀, “現代愛情故事”呀, “片片楓葉情”呀,“舊朋友”呀…全部都令人勾起無限童年回憶!

當年每日下晝兩點幾同埋深夜十二點幾都會有個 “飛圖音樂雜誌時段”(official o既名唔記得o左), o係每日係咁播之下, 相信所有我o地年代o既朋友, 對於飛圖所有歌星d歌都會耳熟能詳…仲勁過無記自己個“勁歌推介”! 唔記得呢個節目係咪連亞視o既廣告時段都買賣添?! 呢招果然湊效…咁播法, 真係唔hit都變hit啦!

不過我覺得今次隻碟最勁都唔係o個d曾經大熱o既合唱歌, 而係一個可能大家都唔多記得o既女歌手林帆o個隻“今夜”! 就咁講可能大家會無咩印象…但你嘗試去hmv拿起個headphone聽o下…包你有“意外驚喜”! 事關呢隻歌當年o係呢個“飛圖廣告雜誌”度熱播過一輪, 想無聽過都幾難! 仲記得林帆一邊o係泳池邊唱歌, 有位身手不凡o既仁兄仲不停咁o係度彈來彈去表演高難度動作…仲好似不停有d帆布飄揚添! 好鬼搞o野o架個mv! 相信大家如果o個個年代有睇電視…想miss呢個mv都幾難! 隻歌雖然不曾大hit, 但係相信大家都會識唱…我o地有時去k都會唱o下o架…仲要唔知點解個個都識唱喎! 又一滄海遺珠…!

Oh…當然仲有老版娘梁雁翎o個幾隻歌, e.g. 像霧像雨又像風…


飛圖 20週年紀念精選大碟


Disc 1
01. 終有一天感動你 - 李樂詩
02. 晚秋 - 黃凱芹
03. 我恨我是女人 - 趙學而
04. 現代愛情故事 - 許秋怡 / 張智霖
05. 相逢何必曾相識 - 蔣志光 / 韋綺姍
06. 笑話 - 黃凱芹 / 張智霖
07. 男人是否都一樣 - 葉玉卿
08. 片片楓葉情 - 許秋怡 / 張智霖
09. 尋開心 - 趙學而
10. 擋不住的風情 - 葉玉卿
11. 是不是這樣的夜晚你才會這樣的想起我 - 林帆
12. 今夜 - 林帆
13. 明明白白我的心 - 林帆 / 李家發
14. 來尋夢 - 葉玉卿
15. You're The Only - 蔡濟文

Disc 2
01. 逐段逐漸在夢裡消失去 - 李樂詩
02. 傾心 - 黃凱芹
03. 每隔兩秒 - 趙學而
04. 慢慢地陪著你走 - 梁雁翎/蔡濟文
05. 哪裡的天空不下雨 - 梁雁翎/黃凱芹
06. 逗我開心吧 - 張智霖
07. 舊朋友 - 蔣志光與他的朋友
08. 平常心 - 黃凱芹
09. 輸給戀愛的女人 - 趙學而
10. 卿卿我我 - 葉玉卿
11. 像霧像雨又像風 - 梁雁翎
12. 離開那個不愛你的人 - 梁雁翎
13. 當愛已成往事 - 林帆 / 蔣志光
14. 心邪 - 葉玉卿
15. 一切都為愛 - 葉玉卿