5-26(fri) 飛短留長父子兵
睇o左個幾禮拜“飛短留長父子兵”…都ok o既! 個劇種係d輕輕鬆鬆o個隻, 又係新題材…講飛髮舖, 都叫有d新意! 仲要介紹一個新景點…赤柱, 講佢新舊兩面! 懷舊o個面…其實都幾吸引呀! 繼上次朗豪坊之後, 又以劇集sell新景點…不過呢招真係幾work o架喎, at least睇完套劇我真係去多o左好多次朗豪坊…哈哈哈! 尤其鍾意搭o個條長電梯…最好佢真係可以聽我講, o係個商場整條大型“sur”滑梯或者好似我最鍾意玩o既西九龍廣場o個個繞住商場頂o既過山車…實可以再增加多d人流!
不過套劇個卡士真係好唔吸引…即使為o左呢期好buy o既鄭嘉穎而睇呢套劇, 但佢d女角真係好唔得! 佢同松松姐姐真係點睇都無辦法覺得襯, 雖然松松姐姐實際上仲細過嘉穎仔, 但感覺真係老過佢好多!
同埋真係sorry呀…松松姐姐, 你個感覺真的很out! 以前你堅持走“玉女中的玉女”路線, 我都可以欣賞你的堅持, 但你堅守“保守+密實”的防線你就繼續堅持啦, 那怕你o既信念在娛樂圈根本就生存唔到…點知搞o左好多年忽然又o黎個“大解放”, 又拍性感照又拍接吻戲…真係o徒晒! 其實你做得藝員又咩都唔肯拍, 當初都俾你紅到都已經好奇怪…點知忽然你又轉性, 搞到人都唔知你想點?! 同埋近年o黎o既你, 比起初出道時o既松松姐姐 (尤其“天涯歌女”時o既驚為天人處女電視劇演出), 簡直係演技+歌藝大倒退, 個樣仲怪o左好多…我都唔知你發生咩事?! 近期重溫o左你o既成名作“天涯歌女”o既精彩片段, 再睇番依家你o係“飛短留長”o既演出…我真係好想同你講…“你發生咩事呀?”
松松姐姐係好唔得, 不過陳敏之更唔掂…唔知點解, 始終都係覺得鄭嘉穎同周麗淇最襯! 不過鄭嘉穎o係呢套劇都無“天幕下的戀人”咁靚仔, 佢都係d頭髮再長d好樣d…我諗呢套劇真係拍o左一段時間, 比“天幕下”更早! 同埋大家有無留意, 佢o係呢套劇又係叫阿朗?!
仲有做陳松伶個妹o個個落選港姐關伊彤, 真係同松松姐姐有幾分似樣, 搵佢o地做兩姊妹又幾o岩…仲有我最唔buy o既劉綽琪小姐 (好彩佢依家終於離開o左無線) 又係做佢最適合o既克人憎角色…真係o岩晒佢! 佢d戲真係咁多年都咁屎!
最搞笑係譚小環同黎耀祥呢對…唔知點解自從睇過佢o地o係“謎情家族”o既“兩人合演一角”演出, 總覺得佢o地係“同一個人”…所以依家見佢o地談情覺得好搞笑! 仲有阿1994年港姐冠軍譚小環小姐…佢真係醜樣o左好多, 近鏡皮膚仲好差添! 唔知點解逢係“4”字尾o既港姐冠軍都有一個共通點…佢同2004年o既冠軍徐子珊小姐一樣, 又係只係選o個日靚o左一晚咁多…當日佢o地都係實至名歸, 但之後睇番你又會覺得超級匪夷所思!
第二線o個套“火舞黃沙”我都仍然無睇, 只係偶然larp到少少, 果然係成套劇都好“黃gum gum”, 好點題囉…唔知點解令人諗起當年o既“怒劍嘯狂沙”?!
oh, 話咁快下個禮拜亞視就上我最喜愛o既“情陷夜中環2” 喇…好期待啊! 但係今集係全新角色, 全新行業…唔做保險, 唔知d主角會做咩呢?!
仲要安排o係近年o既新“台慶日” (注意: 近幾年亞視台慶已經唔再係323, 而係529)播呢套亞視金裝台慶劇…係威係勢咁囉! 不過要同無線套師奶熱捧劇“火舞涼瓜” (呢個名唔係我作o架, from“高朋滿座”…)正面交鋒, 都應該有d危險!
posted by 芒姐 at 1:18 上午
15 Comments:
The series with Kevin Cheng and Nnadia Chan is receiving so much publicity! It looks/sounds really good! AND it has higher ratings than "火舞黃沙". Woohoo! Go Kevin!
Oh, and I heard Sharon singing her song from the new TVB CD and she can't really sing at all. I have to agree with you that I was surprised Linda Chung can sing that well. I think she's much better than Bernice. Bernice just doesn't sing that good and I don't understand why someone would want to help get her own CD out!
唔知點解, (我so far 睇過兩集), 硬係覺得松松姐姐好唔順眼 (我曾經都鍾意佢, i mean 天涯歌女年代加兒歌前期), 但而家就見到佢想熄電視...(well, 我見到譚小環係即刻轉台)
好同意你講的, 佢兩個真係勁跌watt, 尤其係譚小環, 佢選當日我都好buy 佢, 覺得佢好sweet, 但佢消失左一段時間後再出番0黎, 我就覺得佢好唔大體, 好俗氣
我記得之前阿松松姐姐好堅持唔拍親熱戲/接吻戲, 我一方面覺得佢咁樣不如唔好做演員, 都唔專業; 但另一方面又欣賞佢呢一份執著, 覺得佢個人好純品。但後來佢又話可以拍親熱戲, 又著得性感, 唉~ 我就開始鄙視佢喇, 覺得佢為左娛樂圈的名利而放棄著自我囉
我作為一個咩電視都睇既人....
我睇左飛短留長一個星期...
都冇再睇lu...
因為我覺得好悶law...
佢呢套野講剪頭髮...又唔係講得好多...
又唔見鄭嘉穎有剪下頭髮...
講親情....又唔感動...
講感情....又唔浪漫深刻..
唔係鄭嘉穎我都唔會睇佢一個星期...
睇左唔知咩出黎...
相比之下...
台灣有一套劇叫愛情魔髮師...
一樣都係講舊同新既飛髮舖...
但係人地有好多剪頭髮既鏡頭...
都有講親情...講得都幾感動...
有講感情...幾浪漫..
雖然有o的荒唐既劇情...
但我覺得好過咩都冇講咁law!!
我記得阿松松姐姐同發瘟好耐以前有套"仙侶奇緣", 當時覺得好好睇架. 反而"天涯歌女"我就麻麻. "飛短留長"呢套野我一集都冇睇過, 都係因為有佢同懶音王咋!
終於等到阿芒姐你講「飛短留長」，好o野。
唉，都唔明點解要咁委屈鄭嘉穎，搵松松姐姐同陳敏之襯佢，攪到我想追落去o既意欲大打折扣。
先講陳敏之。佢每次一出場，坐我隔離o既阿媽，就會忍唔住話(我強調，係每一次)；嘩，你睇O下佢，塊面咁腫O既！成個發水麵包咁，包過唔包......(下刪一百字) 然後佢一開口講O野，我阿媽又會話(我再強調，亦都係每一次)：哎呀！你閂咀啦！又懶音、又吵耳、又唔夠氣！你估你係狄娜咩......(再下刪一百字) 攪到每一次陳敏之出場，我就好想mute佢，想佢收聲。反正有字幕，我都仲追到劇情。
再講松松姐姐。佢太瘦啦，瘦到一個地步，影佢側面鏡頭而佢又要講對白o既時候，我就見到佢條頸筋，好驚呀。仲有佢大部份o既戶外鏡頭，佢d對白都係後期再配落去o既。雖然都係佢自己配番，不過成件事已經唔同晒啦。唔知點解要咁做呢？
仲有阿丹爺個爸爸角色好蠻不講理囉。佢有事入o左醫院，一家大細連埋個仔o既女朋友都去探佢。人地要做o野，要走先。佢就話人地無佢心呀、無禮貌呀、無家教呀咁。喂，大佬呀，要搵食o架。唔做o野你養呀。
唔該鄭嘉穎多d出場啦，如果唔係我真係搵唔到理由再睇落去。
你提開高朋滿座..俾我叉少少話題先
裝左無線新電視..更發覺無線既編劇超無能!!
2006年5月24日既高朋滿座既故事..竟然同而家新電視重播1992年版既卡拉屋企一模一樣
最令人"O"咀既係..個女主角係同一個人..盧婉恩!!肥媽!!
係1992年就迫白頭佬楚源講"我愛你",係2006年就迫鐘景輝講..
唯一可慶幸既..經過14年..肥媽個樣係冇咩點老過..真係駐顏有術
但!!!!!無線既編劇經過14年都冇進步過!!!
故事內容似都算啦, 連D細節(搵塊綠葉係男主角面前打電話同老婆講我愛你)都一模一樣!!
有冇搞~~~~~~~錯(卡拉屋企口頭禪,同我差唔多年紀有睇開電視既..一定明我講咩)
講番飛短留長..阿虫虫姐姐真係..佢前2日話精心裝扮個look..都只係換得"娘"同"out"2個字law..佢以前個清純脫俗look去左邊??
另外..譚小環嘛..佢曾經都係信和既賣相天后..不過佢而家瘦左好多好多..d皮好皺..五官成日皺埋一舊就叫俾左戲..真係唔怪得佢唔紅起
polly,
哈哈哈...無線d處境喜刻又真係愈寫愈差o既…卡拉屋企當年都好鍾意睇, d人好鍾意o係度 “yeah yeah yeah yeah yeah”好多聲o架嘛! 初期都幾好笑, 但到後期我覺得有d走火入魔, 太過天馬行空囉!
松松姐姐同譚小環無論係外貌同氣質都變晒…原來好多女人都係肥d飽滿d反而仲靚好多, 松松係咁, 小環又係咁! “天涯歌女”年代o既松松姐姐, 幾可愛呀! 94年o既譚小環就更唔在講, 雖然塊面有d包, 但極討人喜愛…依家瘦+殘到有d似d惡後母! 當年去信和買過佢d相o既朋友, 應該拿出o黎懷緬o下可愛o既小環!
Rona,
可能當初拍呢套劇時, 鄭嘉穎都無依家咁紅, 所以搵d咁o既女主角拍佢…畢竟松松姐姐雖然係走晒樣, 佢始終都叫做無線多年o既福將, 又話有親佢d劇都係收視保證! 不過佢確係點睇都同鄭嘉穎唔襯囉!
佢d對白係配落去o既咩? 其實我無咩留意, 每次都係開住個電視但做緊第二d o野, 因為呢套劇真係吸引唔到我全神貫注去睇!
陳敏之小姐就更加嚇死人…連佢都有得做女主角?! 佢講o野一舊舊都算啦, 以為佢係大美人, 點知睇落佢個樣都係好茄喱啡…當年佢做小室徒弟時, 仲話佢係翻版陳慧琳…雖然我都不特別喜歡kelly, 但都要講一句: sorry晒呀, Kelly! 無線仲要成日俾佢呢d懶音王做主持 (other eg. 包括陳彥珩, 黃紀瑩等), 唔講得難聽o個個都唔搵…我只係想話: 係咪玩o野呀?
其實o係呢套劇入面, even鄭嘉穎都無依家咁靚仔~
TFIL,
松松姐姐套 “蜀山奇俠之仙履奇緣” 應該係同佢個“最佳螢幕情侶”鄭伊健拍o既 (其實我唔明點解會搵佢拍鄭伊健…雖然我知有好多人覺得佢o地好襯, 但我真係唔覺) , 發瘟就同佢合唱隻主題曲 “正義柔情永在” (亦都係我o地o既卡拉ok騎呢飲歌之一…個卡拉ok版mv仲要係佢o地兩個古裝親身上陣, 好騎呢o架!)…不過其實當年松松姐姐所有歌都係同發瘟合唱, 因為佢o地間娛樂唱片公司只係得佢兩個+羅文…實在又係騎呢!
我反而麻麻地“仙履奇緣” , 可能因為我不大buy古裝…不過我又好鍾意睇呢套之前一年o個套“蜀山奇俠”喎…即係有關禮傑做警我師兄, 仲有楊寶玲同李婉華個紫青雙劍o個套…o個時仲成日同d同學拗邊個鍾意紫色, 邊個鍾意青色…我就鍾意紫色喇! (其實so far我都無咩聽過人話鍾意青色)
小蚊,
其實呢套o野就咁用來”送飯”都ok o既, 要我坐o係度好認真咁睇我又唔會喇!
咁又係, 我都認同d剪髮場面實在太少喇…唔知之後20集會唔會多番d呢?
雪人,
松松姐姐就係衰在一開始就係 “無演員道德”, 咁算啦, 當你個人肯堅持原則, 咁都欣賞你份執著, 點知一個屈尾十你又走去放棄原則…牆頭草, 點講都講唔通, 輸晒!
譚小環其實只係選o個一日係最靚o既, 之後已經開始跌watt…最錯就當然係五音不全走去做歌星啦…情況同何婉盈一樣, 又係本來好受歡迎, 一走去做歌星咪錯晒囉!
同埋佢兩個都係成日暴肥暴瘦, 小環有一期漲到俾人叫佢 “西環浮屍” (佢o個時塊面真係好好好腫), 依家又瘦到塊面lip晒好恐怖; 松松姐姐o係呢套劇就勁瘦, 但佢近幾個月做 “超級靚聲演鬥廳”又係變到成個水桶咁, 都好fluctuate囉! 唔知佢兩個搞咩?
Bc,
I didn’t know that this series gets even higher ratings than "火舞黃沙"…that’s really weird then…although I think both series aren’t good!
Haha…for the CD, what’s worse is that Sharon has once been a singer, that makes it even more disappointing! I can’t understand why TVB “include” her in the list since she’s not popular and can’t sing well…?!?!?!?!??!?!?!
我都無睇啦！講真我好憎陳敏芝同陳松0。松松姐姐做戲一向都好作狀。
不過講到襯，不得不提鄭伊健，果時，笑看風雲係殮房帶上介子果一幕，都好經典
其實我真係唔明點解成日搵伊面拍松松, 我唔否認佢o地係90年代其中一對最經典螢幕情侶, 但我個人又真係不太覺得佢o地襯喎...好似話計埋客串, 佢o地總共合作過7套劇...我記得o既就有"笑看風雲", "婚姻物語", "仙履奇緣", "92鍾無艷", "月兒彎彎", 好似仲客串o左幾集"我愛玫瑰園"...唔知仲有邊套呢?!
o個幕好似係o係醫院唔係殮房嘛? 咁死怖會嚇死晒d觀眾喎! 我個人就唔係特別喜歡"笑看風雲", 但我身邊就有好多"笑看"fans, 成日同我講劇情...我最記得o既, 反而係佢首主題曲囉!
睇到一段關於呢套劇o既評論, 我覺得幾搞笑o下, 尤其係"個性帶點模糊，年齡也帶點模糊...。"哈哈哈哈哈!
..."周麗淇換上松松姐姐，效果又會變成怎麼樣？師奶Fans應該高興。陳松伶身形Fit如舊日，笑臉總會掛上，任何時候都提醒觀眾，這是討好的女主角。結果，不怕老套的話，應該非常入屋。個性帶點模糊，年齡也帶點模糊，不失是好事。"
發佈留言
<< Home