12-8(thurs) 刑偵3

o係日有所思夜有所夢之下, 我尋晚發夢居然見到無線4線藝員蕭玉燕 (我諗我講出o黎大家都未必知道係邊個), 仲同佢講, “oh! 我有睇過你同張蘭瑛 (另外一個4線藝員, 亦都係92年落選港姐) 一齊主持o既節目!”…其實真係有個咁o既節目, 但佢兩個係做d類似“獎品小姐”o既角色而唔係主持…但我真係好記得呢個咁o既節目! 至於點解我無啦啦會提起蕭玉燕…好明顯係因為獎門人尋日同我講起佢啦! Btw, 佢都有份做“刑偵2”其中一單案o架!

正所謂“一波未平, 一波又起”…呢期見開d騎呢藝員, 可以話係一個接一個…尋日有凌祖絲, 今日居然o係銅鑼灣見到黎諾懿同陳少邦…好明顯係行出o黎宣傳“隨時候命”! 大家都好識為自已套戲做宣傳…無論係幾多線o既藝員, 亦無論係邊個年代o既藝員, 更加無論係邊線劇集o既藝員 (包括深夜重播o既十年前電視劇)!

“刑偵3”已經做o左幾集, 今集就做完o左北京o既戲份返到香港…劇情依然無聊! 頭先larp到思龍(鍾麗淇)出場, 同賤男邂逅…哎! 冤孽! 北京o個段除o左睇吳美珩同埋聽d主角o既國語之外, 全無可取之處! 除o左失憶仲玩埋一人分飾兩角, 無啦啦兩個完全無啦間o既人點會一樣樣…唔該晒! 咁o既橋你都諗得出…我不得不寫個服字! “刑偵”o既污點, 可以話係呢兩個咁精彩o既橋段! 真係好睇到不得了!

我錄o左第三輯咁多年, 都無?過出o黎重溫…可知有幾咁吸引! 但因為依家睇到第二輯, 唔睇到一個happy ending, 好似好唔圓滿咁…於是8年來第一次?番自己o既珍藏出o黎睇…餅帶都有d花, 但都勉強叫做睇到o既…咁就唔洗日日追d我唔想睇o既劇情…可以勁飛幾日睇晒40集!



無o左個好煩o既車匙媽蘇杏璇 (佢當時好似已經退出o左娛樂圈, 全心全意投入佢間齋舖…咁多年o黎, 我都成日見到佢, 因為佢間齋舖就o係一個我成日去o既地方, 佢仲一日都坐o係門口做生招牌), o黎o左個更煩o既車匙姨羅冠蘭! 真係好怕羅冠蘭…佢o既浮誇演技同埋吱吱喳喳我真係唔識欣賞! 當年佢同蘇玉華一齊做“我和春天有個約會”…點解人o地可以咁恰到好處 (無可否認, 蘇玉華初初轉做電視時都帶o左d浮誇舞臺劇演技入o黎, 但後期已經捉到條路), 你咁浮誇o架?! 仲要同廖啟智做鬥氣冤家…好?膽! 好似再加個金興賢搞段三角戀…更?膽! 即係好似搞段三角戀俾阿蘇杏璇咁囉!

點會無啦啦o係加拿大搞個阿姨出o黎阻住晒, 但反而無o左我好鍾意o既角色高敏陳美琪 (唔係無o既, 得幾集囉!), 又無埋佢個女棠棠黃美琪, 仲無埋好型o既madam添…我唔高興呀! 跟住繼第二輯張大勇無啦啦多o左個妹都算啦, 一路都無話佢仲有個細佬o架嘛…跟住又無啦啦整個細佬海俊傑出o黎…好odd! (可能係為o左一眾海俊傑o既歌迷…如我o既黨員!) 再加賤男o既兩個新情人…楊婉儀同埋變埋真情人o既鍾麗淇…我o個時仲好懷疑點解要搵兩個“dut眼金魚”一齊o黎?! 呢兩位我都唔多喜歡…當然依家更唔喜歡賤男啦!

其實第三輯成個感覺唔同晒…今次成熟o左好多o既車匙比起第二輯成日發脾氣o既車匙更加克人憎…仲有, 佢一日都?起個頭好樣衰…放番d頭髮落o黎啦! 個妝都化得pro o左好多…已經步向近年個look…但都係前兩輯個look自然好多, 靚好多! 齋講車匙呢個人物角色, 都係第一輯o個個最討好!

而佢同大勇o既感情都唔同o左, 無以前咁真…好令人失望! 佢當然仍然係一日都o係度話: “對唔住我真係唔記得”, “你唔好逼我啦…我真係記唔番以前o既o野…我真係無o個種感覺!”…好悶, 好有吹眠o既感覺! 張大勇又成日逼佢記番d o野…總之就係全套戲都充滿住無奈!

“刑偵3”係令人失望, 但非戰之罪…係“刑偵2”遺留落o黎o既臭屎…整d咩失憶劇情…從來都係吃力不討好, 搞到一鑊泡 (或者80年代初初興起“失憶”劇情, 都有d新意o既…但此橋段被濫用到現在, 仲樂此不疲…見到“隨時候命”都仲o黎呢招, 真係令人有點兒難受!)