12-2(fri) 刑偵之私人珍藏1
尋晚已經開始播第三輯喇…終於我都係無睇到, 只係larp o左幾o下! 我諗呢一輯唯一o既可觀性, 就係兩位主角o既爆笑普通話…真係笑爆嘴! 仲有, 記住睇吳美珩…佢o個時d廣東話好似怪怪地咁, 無依家咁好, 但呢個國語人角色好o岩佢…係我第一個對佢有印象o既角色!
因為“刑偵”情意結, 特登去摷番我d私人珍藏錄影帶出o黎…最有可觀性o既應該係播完結局之後o既一集k-100, 因為當時有好多人好不滿個結局…就整o左個“特別版”o既結局出o黎 (好似70年代d觀眾不滿鄭少秋版o既“倚天”結局, 要o係k-100度重拍一個完美o既結局去滿足佢o地…不過“刑偵”呢個其實唔算重拍結局o既, 只係一個特別版o者!)
既然摷到呢個咁特別o既珍藏, 我決定破天荒公諸同好 (因為呢d珍藏我絕對唔會外借, 所以諗到另一個方法去同其他刑偵迷分享)…不過因為係用最原始o既方法: 拿個相機去錄, 所以質素唔多好, 畫面仲跳o下跳o下…不過咁都好, 等d人想偷去做不法用途都無咩可觀性嘛!
今日公開住一段先, 係o係街邊訪問d路人甲乙丙對結局o既感覺…大家都話好不滿個呢個結局!最鍾意最尾o個師奶話:“係咪呀師奶o個個呀…我好鍾意佢o架!”…好好笑!
![Image hosted by Photobucket.com](http://i8.photobucket.com/albums/a45/monjeh/dif2-k100-1.jpg)
(第一段: 觀眾街頭訪問***私人珍藏, 純粹為公諸同好…版權屬tvb所有***)
一氣過睇完兩輯“刑偵”, 發覺其實最討好o既角色反而係高婕個家姐高敏…呢個家姐又唔煩又唔擺款, 仲非常通情達理! 有時又會點醒阿車匙佢, 有時又幾玩得, 有個咁o既家姐都算係咁…但點解編劇要搞到佢命途咁坎坷呢?!
同埋o係戲?面做陳美琪個女o既細路女黃美棋當年真係幾得意 (尤其第一輯時)…睇睇o下個樣仲有d似陳美琪添! 其實當年首播時已經有留意呢個小朋友, 咁多年一路睇住佢大…“殭屍2”又有佢,“帝女花”又有佢, 連“一屋兩家三姓人”都有佢!十年後o既今日佢已經係做d少女角色, 仲有人話佢可以接唐寧班添…咁我又覺得長大o左o既佢, 其實係無唐寧咁靚o既!
仲有做蘇玉華個仔??o個個小演員胡耀鋒…又係做得幾好! 我諗佢依家分分鐘有黃宗澤咁大!
前幾個禮拜睇報紙話“阿旺新傳”o既監製黃偉聲結婚, 群星到賀, 新聞人物賤男梁榮忠都有o黎…跟住睇睇o下“刑偵”, 咁o岩睇到字幕, 原來佢當年係“刑偵”o既編導…依家已經榮升監製喇!
點解“阿旺新傳”又有馬國明?! 佢呢期真係當紅…你咩戲都有佢!“本草藥王”有佢, 估唔到連“阿旺”都有佢…好明顯係有曾華倩撐佢! 今次佢又做番佢最擅長o既鹹濕佬…好令人諗起佢o係“律政新人王”做變態佬o既出色表現!
依家十點又要睇亞視o既“情陷夜中環”, 又要睇無線o既“隨時候命”…兩套都幾好睇喎…好忙碌…太難取捨喇!
發覺唔止上次講過o個份大陸報紙, 原來依家連太陽報都有葉璇專欄…好彩呢期我屋企又有買太陽報!
勁喎…頭先睇無線深宵音樂節目“無間音樂”(前身係我曾經好鍾意睇+錄低d經典金曲o既 “翡翠音樂幹線”, 見阿deep隻歌“第三者”o既mv居然搵o左佢緋聞女友胡定欣做女主角, 真係識自己製造話題!
(芒姐冷知識: 佢兩個都係99年華星年代o既“新秀”參賽者, 當時兩個都係得十幾歲, 亦都唱得唔係太好…阿deep好似係最年輕o既參賽者, 仲係用緊真名“吳偉男”…點解我咁記得? 因為我覺得佢個名好騎呢; 而胡定欣就被喻為“小黎姿”添 (但依家又唔見有人話佢似黎姿喇喎!) 我仲有呢餅帶o既edited version o係屋企! 哈! 點知3年後阿deep改名吳浩康去參加已改由英皇主辦o既“新秀”…唱功仲大有進步, ?埋冠軍! 當時我好懷疑佢係咪幾年前參加過“新秀”o既“o靚”仔, 仲即刻摷番餅帶去confirm添!)
呢期有個周慧敏新廣告…佢話d頭髮好hur“T”!“T”得勁突兀…我無聽過d英文人講“t”音會真係咁“T”出o黎…總之好核突! 好心唔好講英文啦!