11-21(mon) 2005台慶後記 (下)

(續前篇)

所有賽果都算好合理o個隻…大熱勝出! 阿姐?獎, 好合理呀…阿旺雖然今年無前年咁hit, 但正如我上一篇所講, 真係衷心覺得佢做得好好! (其實我有一段時間係幾鍾意郭晉安o架…應該係 90年“成功路上”年代…由o個期開始, 我就develop o左個錄電視節目習慣…但唔知點解, 後來我全套洗o左?! 呢套亦都係佢同劉小慧訂情之作…雖然o係呢套戲劉小慧係同羅嘉良一對, 而郭晉安就同周海媚! 我記得海味o係戲?面個名好似叫“童瑤”…我當時覺得好詩情畫意添o架!) 佢依家都吸引到我連套咁無聊o既戲都日日睇…證明有一定功力!

男女配角都唔錯呀, 湯盈盈大熱勝出…絕對應該係佢?! 佢o既演出有好大突破, 做得好又有人氣…天時地利人和都夾到, 仲想點呀?! 同埋佢都做o左十年, 咁耐都無紅過, 依家有得紅我都戥佢高興, 因為我覺得佢attitude幾好, 訪問時談吐都大方得體! 好似話無線會為佢度身訂造一個節目…真係守得雲開喇! 前幾集“阿旺”有一場係講湯盈盈教阿旺英文, 幾好笑…令我諗起佢幫養母公司錄o個d兒童英文教學vcd!

男配角夏雨我都幾buy, 雖然我估唔到無線真係會俾佢! 不過都o岩o既, 人o地“我最喜愛的馬國明”係男主角o黎o架嘛, 點可以做降格做男配角o架?! 今年大部份“我想”o既都中晒, 反而 “我估”就只係中o左幾個…咁仲高興!

以前永遠都係宣佈男主角/男歌手做壓軸o架嘛, 依家反而年年都係擺女主角o係最後, 證明女權當道…女主角爭奪得比男主角更加激烈!

至於, o個d咩“飛躍進步獎”, 年年都係無線想捧邊個就俾邊個o架啦, 無咩特別! Mk黃宗澤得獎一d都唔surprised…我唔否認佢o係呢套戲係做得好o既! 至於周麗淇…no preference, 我唔係特別鍾意或者唔鍾意佢…但係睇完佢得獎後o既表現, 的確係幾有趣, 加晒分! 好鍾意佢喊住講o個句: “我無諗過會得獎, 我諗住o黎抽獎o架咋”! 成功成為全個節目唯一o既笑位…好真情流露, 好可愛…抵佢紅! 不過好可憐, 一宣佈完“飛躍進步女演員”, 我好喜愛o既廖碧兒難掩佢o既失望之情…強擠出笑容, 但係都有d “la”住口面!

之前睇 “東張西望”, 佢o地話今年個“飛躍進步獎”應該俾宋芝齡…咁我都覺得係…佢真係紅o左好多! 又係“守得雲開”o既一大例子…佢十年來比起湯盈盈更“茄喱啡”, 估唔到一股韓流令佢紅成咁! 不過佢識多國語言, 除o左韓文同廣東話, 佢d國語都好似唔錯…抵佢掂o既!



最核突係許冠文頒獎時, 又講一輪笑話, 但真係已經一d都唔好笑, 仲要真係全場都無人笑…sorry!!! 頒o個個咩節目主持獎, 講完一輪“美貌與智慧”, 即係得番dodo姐同阿姐兩個係符合呢個requirement, 跟住又再講一輪, 搞到兩個都好尷尬! 最終話最敬重o既主時…點知係dodo姐…我諗阿姐都有d尷尬! 但我覺得dodo姐係十分實至名歸, 佢做主持, 的確係幾好o既!

仲有個陳智雲總經理都好核突…講咩最佢具創意獎時, 又叫梁榮忠講呢分鐘最愛係邊個…係人都估到佢會答tvb啦…唔通話朱慧敏咩? 咁有咩創意可言呢?! 只係覺得好核突!

阿夏萍姐真係老o左好多…不過佢後生時真係幾靚! 六叔亦都老到呀…見到佢咁凍都要行出o黎…真係辛苦! 主持方面, 都ok o既…除o左amigo人氣急升之外, 估唔到anna都有得做主持?! 更加唔明點解amigo忽然高o左? 一定係著o左對高鞋!

仲有, 我唔明點解年年抽獎都抽中郭羨妮, 係咪咁有抽獎運呀? 定係做馬 (e.g.永遠擺佢o個名o係當眼位置)? 跟住又係白茵姐, 又係陳敏之…至少第三年喇…係咪d人有抽獎命就永遠都係o個d人抽中獎? 之後抽中鄧健泓, 佢居然走o左…太傻喇…台慶你走o左, 一定無運行!

同埋o個個坐爆波遊戲都好核突呀, 尤其d女藝員著住條裙…好唔優雅…邊個諗出o黎o架?! 我亦都唔明點解年年都要曬珠寶? 有無人有興趣睇o架? d阿姐又好落力去做呢樣 o野, 真係好核突!

最後, 有無人發現由尋日開始, 無線個電視畫面logo又轉o左?!