11-10(thurs) 郭藹明過海搵郭可盈…

呢期仍然力追緊我最喜愛o個套“刑事偵緝檔案”…哈哈! 終於睇完第一輯, 唔係落後大家好多…同埋有個新發現…我發覺單睇劇情, 其實第一輯係好睇過第二輯添! 雖然係“小製作”, 但仲好睇過添食o既大製作…而jessie個“包面”, 其實好睇過依家個“人工面”好多…仲幾cutie添!

仲有, 當年可能係太支持jessie o既關係, 好鬼死憎個carmen…但依家客觀地睇, 覺得其實carmen (即郭藹明)仲好樣過jessie(即郭可盈)…抵佢?港姐冠軍o既! 評判o既眼光的確係雪亮o既…仲好kum睇添! 只係我當時唔識欣賞o者!

哈! 又郭可盈又郭藹明…令我諗起o個期應該係wyman有個電台節目, 期期都作d繞口令俾人玩…有期係類似: “郭藹明過海搵郭可盈, 話郭可盈個袋好型, 郭可盈叫郭藹明過海改個袋型, 改成郭可盈個袋型。”…唔知大家當年有無聽過呢?

除o左要力追番我最喜愛o既“刑偵”外, 呢期連我好鄙視o既 “阿旺新傳”都睇埋…睇睇o下又幾低能喎…有d位都幾好笑o下! 好鍾意扮阿旺講: “媽媽話我唔係蠢, 係單純!”

但我真係頂唔順宣萱要同黃宗澤一pair囉…大佬, 真係一d都唔襯…個樣似差廿年咁! 宣萱個樣好老好黃 (as usual), 但你唔好咁玩佢要佢配d廿歲o既花o靚啦…咁樣搞到佢好可憐! 仲有, 41歲o既曹永廉居然要做廿歲出頭o既黃宗澤年齡相若o既朋友仔…都有d難受! 黃宗澤始終都係同唐寧襯d!

但係唐寧今次呢個look好怪, 好似細路扮大人咁…尤其係我o地由細睇到佢大…始終都仲係記住o左佢細個個樣! 所以依家見佢著住件suit, 都好怪雞…都係著番便服好d! 同埋佢做o既“奸角”, 都有d吃力! 好記得十年前睇佢o係“男人四十一頭家”做童星, 當時咁o岩楊采妮又係o岩o岩出道, 我覺得佢有d似charlie o架 (雖然無人認同我)!

至於呀黃宗澤小朋友…雖然我由始至終都唔多鍾意佢, 但無可否認, 佢o係呢套戲係做得幾好o既…仲幾有型添! (但我依然覺得佢感覺十分mk!)